| 【痲吉】 |
| 作者：Zoe小甜 |
日期：2008-06-06 |
地点：广州 海珠 江南大道 |
|
前幾日~老公放工我哋一齊去食飯!
去到江南大道眞係冇曬揸嗱.
間間嘢都人多到爆~除咗一間...
咦?!呢間嘢新開噶啵...
嗰名咁趣緻.一於入去試下先~
哈哈!呢間嘢叫'痲吉'...
可能有啲人唔明咩叫'痲吉'.
其實'痲吉'係臺灣傳過嚟嘅...
意思係好朋友.即係best friend囖!!
呢度主要係食扒類嘅~
適逢當日係兒童節.一於慶祝一番...
so~我點咗個豬扒.佢就點咗個鷄肶.
試下好冇食先..........
首先上咗個粟米忌廉湯同麵包乾~
粟米忌廉湯啱曬我口味.
夠曬濃夠曬味.正到飛起吖...
麵包乾有啲蔥.幾惹味啵~
不過烘得有啲過咗囖.....
奶茶跟套餐點6蚊/盃.
不過不失.未算係最好飲嘅!!
過咗冇一陣.扒就上喇.
仲要兩個一齊上喔~~~
呢度有三種汁畀客人揀.
蘑菇.蒜蓉or黑椒...
我哋都揀咗蘑菇.因為未試過吖嘛~
先講鷄肶扒喇.
口感好好喔.好嫩唔會老.
而且仲好多肉汁添...
跟住嘅豬扒.就眞係..
相比起.口感冇鷄肶扒好...
味道就差唔多嘅!!
不過分量就比鷄肶扒多一倍~
鷄肶扒同豬扒都係25蚊.
再加兩盃奶茶12蚊~
仲有2蚊唔知咩紙巾費或者服務費之類嘅...
啱好埋數係70蚊!!
一般喇~感覺上未算最好.
不過環境又係幾特別嘅..
|
 |
第1幅
粟米忌廉湯 |
 |
第2幅
麵包乾 |
 |
第3幅
奶茶 |
 |
第4幅
蘑菇汁鷄肶扒 |
 |
第5幅
蘑菇汁豬扒 |
 |
第6幅
醬料之類嘅嘢 |
 |
第7幅
環境有日本feel. |
 |
第8幅
麻吉 |
|
|
|
|
|
